8. janúar 2024
Vextir verðtryggðra sjóðfélagalána Gildis hækka
Stjórn Gildis hefur ákveðið að hækka vexti breytilegra verðtryggðra sjóðfélagalána um 0,50% og vexti fasta verðtryggðra lána um 0,35%. Eftir hækkunina verða vextir breytilegra verðtryggðra grunnlána 3,60% og viðbótarlána 4,35%. Fastir vextir verðtryggðra sjóðfélagalána verða 3,80% og viðbótarlána 4,55%.
Hækkun fastra vaxta hefur þegar tekið gildi en breytilegir vextir hækka 13. febrúar næstkomandi.
Eftir að breytingin hefur að fullu tekið gildi 13. febrúar mun vaxtatafla sjóðsins líta svona út:
| Grunnlán (allt að 65% veðhlutfall) | Viðbótarlán (65-75% veðhlutfall) | |
|---|---|---|
| Verðtryggð – fastir vextir | 3,80% | 4,55% |
| Verðtryggð – breytilegir vextir | 3,60% | 4,35% |
| Óverðtryggð – breytilegir vextir | 10,35% | 11,10% |